өту

(Просачивание)

сарбаздардың, жеке топтардың немесе жаяу әскер (мотожаяу әскер), әскери десант немесе аэромобильді әскерлердің қарсыластың орналасқан жеріне жасырын енуден тұратын әскерлердің іс-әрекет тәсілі. Ө. қарсыластың маңызды объектілерін (тірек пунктін, өткелін, ракеталық қондырғысын, басқару пунктін, қару-жарақ қоймасын және с.с.) басып алу және ұстау немесе жою, барлау жүргізу, торуыл құру, қарсыласты титықтату мақсатында шабуылдау үшін қолданылады. Ө. үшін ең қолайлы жерлер жабық таса жерлер, орман-тоғай және тау жоталары болып саналады. Қарсылас әскерлерінің бөлімдері мен бөлімшелерінің арасында арақашықтық болған жағдайда жайылма ұрыстық реттер мен ұрыстық қимылдар Ө. үшін қолайлы болып шығады. Қарсыластың тылына жеке ұшақтармен (тікұшақтармен) өтетін әскери десанттық және аэромобильдік бөлімшелер (топтар) әр жерге түсіп, соңынан көрсетілген ауданға шығады.